eng | deu | esp | ita | por |
... М54 < М55 > М56 ...

Kulojta hwězdna kopica M55

Kulojta hwězdna kopica M55 namaka so we hwězdnje Třělc/Prokownik (Sgr).

M55

Runikowe/ekwatorialne koordinaty (epocha J2000):
Ra (α):19h40.0m, Dec (δ):-30° 58'

Pozdatna swětłosć: 7,0m
Wotstawk mjez hwězdnej kopicy M55 a słóncom: 19300 swětłolěta
Kutowy rozměr: 19'
Morphologiska klasifikacija galaksije: XI
Wonkowny wobměr hwězdnej kopicy M55 wopřija něhdźe 110 swětłolěta.
Trochowana masa hwězdnej kopicy: 250x103 słónca

Wotkryjer: Nicolas-Louis De la Caille, 1751

Pomjenowanja za M55 w druhich katalogach: NGC 6809

M55 njeje za wobkedźbowarjow w sewjernych a srjedźnych šěrinow widźomny, dokelž leži předalako w južnej hemisfery njebja. W južnych šěrinach leži poměrnje nisko nad horicontom, tak zo su wobkedźbowanja atmosferiskich skrjeslenjow dla wobćežowane. Najlěpši wotewrjenski poměr dalokowida za wobkedźbowanje M55, we wotwisnosći apertury (D), je něhdźe D/6-D/3. Dalše powjetšenje wobraza zmóžni drje spóznaće wjac detailow, wobraz pak so sylnišo zaćěmni, štož wobkedźbowanje poćežuje.

Najlěpši měsac za wobkedźbowanje M55 je pražnik. W tutym času je objekt k połnocy blisko swojim najwyšim dypku na njebju, to rěka zo su mylenja wobkedźbowanja přez zemske swětłowe žórła a atmosferiske skrjeslenja najsłabše.

Za wobkedźbowarjow w sewjernych šěrinach je nócne njebjo w pražniku hižo poměrnje swětłe, tohodla je zmysłapołne M55 tež w žnjencu wobkedźbować.
Prěnja połojca žnjenca drje je hišće chětro swětła a objekt tež njeje k połnocy na swojim najwyšim dypku, hdźež zemske swětłowe žórła a atmosferiske skrjeslenja wobraz tak jara njemyla, rozdźěl pak tak jara njenapadnje. A hižo w druhej połojcy žnjenca je nócne njebjo zaso poměrnje ćěmne a so derje za wobkedźbowanja hodźi. Čim dale w juhu městno wobkedźbowanja je, čim zašo so nócne njebjo zaćěmni – hladajo na čas kaž tež počas wobkedźbowanja.

M54
Мessier 54
M56
Мessier 56

Wutrobny dźak Alexanderej Pólkej z Budyšina za přełožk do hornjoserbšćiny.


Nikolay Kurdyapin, kosmoved.ru  
Je tuta strona zajimała?  

© Copyright 2018-2020, kosmoved.ru
Při wućišćenju materialijow tuteje strony ma so na stronu kosmoved.ru pokazać..
info@kosmoved.ru