Messier-katalog

Messier-Katalog - je woblubowana zběrka poměrnje swětłych a lochce namakajomnych Deep-Sky objektow (galaksijow, młow a hwězdnych kopicow). Wosebje derje hodźi so Messier-katalog za započatkarjow-hwězdarjow, dokelž su listowane objekty hižo z dalokowidom abo z małym teleskopom derje spóznać.

Objekty Messier-kataloga
Messier-marathon

Charles Messier (1730-1817) - běše francoski astronom, 1751 přistajeny při namórskim obserwatoriju w Parisu při Hôtel de Cluny. Tehdyši hwězdarjo zaběrachu so wosebje z namakanjom kometow. Dokelž běše poměrnje ćežko mjez kruće stejacymi młowojtymi objektami a woprawdźitymi kometami rozeznawać, zestaji Messier wot 1758 do 1781 wjacore zběrki tajkich młowojtych objektow, zo móžeše je pozdźišo při pytanju wobeńć.

Prěnje wudaće Messier-kataloga wopřiješe dohromady 45 objektow a wozjewi so w lěće 1774 w časopisu francoskeje akademije wědomosćow w Parisu. Jenož 17 ze wšěch 45 objektow je Messier sam namkał, tamne namakachu druzy hwězdarjo.

Hwězdar Pierre Méchain (1744-1801) bu 1774 při kartografiskej słužbje namórnistwa w Versaillesu přistajeny. Jeho nadawk běše dokładne wuměrjenje pobrjoha Francoskeje. Při astronomiskich přepytowanjach wobkedźbowaše okultaciju (zakryće) hwězdy Aldebaran přez měsačk. W lěće 1774 předstaji jemu znaty hwězdar Jérôme Lalande Charlesa Messiera. 1779 doda so dalši rjad zapiskow do kataloga z namakankami Messiera, Johanna Gottfrieda Köhlera z Drježdźan a Barnaba Oriania z Mailanda. Wot 1780 dźěłaštaj Messier a Méchain zhromadnje na dalšej katalogizaciji młow a pytaštaj za kometami. Swój prěni komet namaka Méchain w lěće 1781 a postaji matematisce jeho wobběžnu čaru. Jako namaka njeznaty młowojty objekt, poda poziciju Messierej. Tón pruwowaše, hač jedna so wo komet abo młu, zo by naposledk objekt do kataloga zapisał. Na tute wašnje namakaše Méchain dohromady 26 Deep-Sky-objektow. Jeho prěnja namakanka bě M63, nimo toho namaka pak tež kulojtu hwězdnu kopicu M80 a galaksiji M102 a M103. 1780 wopřiješe katalog hižo 80 zapiskow.

Třeće wudaće kataloga měješe 100 objektow wopřijeć. Ale hižo jako manuskript před ćišćom steješe, namaka a wopisa Méchain hišće tři dalše objekty. Z toho časa njepytaše Messier wjace dalše mły, ale koncentrowaše so zaso jenož na pytanje kometow. Posledni nakład kataloga z dohromady 103 objektami wozjewi so 1781 w časopisu "Connaissance des temps" (znajomosć časa).

W lěće 1815 Messiera boža ručka zaja, tak zo dyrbješe wudospołnjenje kataloga přetorhnyć. Bórze na to schori tež hišće na wić a zemrě w aprylu 1817 w Parisu. W mjezyčasu wozjewi němsko-jendźelski hwězdar Wilhelm Herschel swójski katalog z 2500 objektami, kotrež je ze swojim polěpšenym teleskopom namakał. Mjez druhim wužiwaše reflektor-teleskop z aperturu 7,5" a refraktor-teleskop z aperturu 3,5". Messierowy teleskop porno tomu meješe palnišćowu zdalenosć wot jenož 60 cm. Dohromady namaka Charles Messier w běhu swojeje kariery 20 kometow.

Messier-Katalog wopřija dohromady 110 objektow - galaksije, mły a hwězdne kopicy. Su po rjedźe zapisane, kaž je Messier namakaše. Posledni nakład z ruki Messiera wopřija jenož 103 objektow; M104 do M110 dodachu so pozdźišo. Objekt M104 běše spočatnje jenož rukopisnje wot Messiera do swójskeho eksemplara kataloga zapisany. Pierre Méchain namaka objekty M105 do M109 w lětomaj 1781 a 1782, kaž dopokaza naspomnjenje w lisće na Johanna Bernoullia. Objektaj M108 a M109 je Messier hižo we wopisanju M97 mjenował, ale njeznateje přićiny dla njeje je jako samostatnej objektaj do kataloga přewzał – runje tak M110, satelita Andromeda-mły.

Pismik „M“ na spočatku pomjenowanjow astronomiskich objektow woznamjenja přeco poćah k Messier-katalogej. Hlej na přikład kulojtu hwězdnu kopicu „M13“, a młu Andromeda „M31“, atd...

Dokelž zestaji so Messier-katalog hižo kónc 18. lětstotka, to rěka w jednym času, hdźež njeběchu teleskopy hišće tak daloko wuwite, je za započatkarjow-hwězdarjow wosebje zajimawy. Wopřija jenož jara swětłe objekty, kiž su hižo z jednorym teleskopom spóznajomne. Eksistuja pak tež jara napadne objekty, kiž w Messier-katalogu zapisane njejsu, kaž hwězdnej kopicy „Chi Persei“ (NGC 884) a „h Persei“ (NGC 869), abo galaksija NGC 3628, kotraž twori ze swojimaj pola Messier zapisanymaj susodomaj M65 a M66 tak mjenowany Leo-triplet.

Katalog NGC (New General Catalog) drje je dospołniši a wopřija wjace galaksow, hwězdnych kopicow a galaktiskich młow hač Messier-katalog, tola su k namakanju tutych objetkow wo wjele sylniše teleskopy trěbne. Tute započatkarjam a amateram nažel husto k dispoziciji njesteja.

Messier-marathon - Messier-marathon je wubědźowanje, pola kotrehož spytaja wobdźělnicy z dalokowidom wšitke 110 objekty Messier-Kataloga w jednej nocy namakać.

Messier-marathon móže so jenož w nalěću (kónc měrca, spočatk apryla) přewjesć, dokelž wobwliwuje pozicija zemje w běhu počasow kotre objekty kataloga widźeć su a kotre nic – a jenož w nalěću su wšě 110 widźomne. Po klasiskim wašnju wubědźowanja smě so jenož manuelny dalokowid wužiwać, t. r. bjez moderneho, přez computera wjedźeneho GoTo-stajadła. Skrótšena warianta wubědźowanja postaji jako dobyćerja, štó w datym časowym wobłuku (woko dwě hodźinje) najwjace objektow namaka.

Wutrobny dźak Alexanderej Pólkej z Budyšina za přełožk do hornjoserbšćiny.

Objekty Messier-kataloga

Sćěhuje dospołna lisćina wšitkich objektow Messier-kataloga. Za kóždy objekt podaja so pokazki k stronam, hdźež so objekt dokładnišo wopisa.

Objekty filtrować:

cyłkowny katalog	galaksije	hwězdne kopicy	mły
	- spiralne	- kulojte
	- eliptiske	- wotewrjene

čisło w Messier-katalogu a w NGC	družina objekta	koord. α δ	pozdatna swětłosć	kutowy rozměr	blisko hwězdna	druhe mjeno
M1 ( NGC 1952 )	mła, zbytk supernovy	05^h34.5^m +22° 01'	8,4^m	6'x4'	Byk (Tau)
M2 ( NGC 7089 )	kulojta hwězdna kopica	21^h33.5^m -00° 49'	6,3^m	16'	Wódnik (Aqr)
M3 ( NGC 5272 )	kulojta hwězdna kopica	13^h42.2^m +28° 23'	7,0^m	19'	Honjerske psy (CVn)
M4 ( NGC 6121 )	kulojta hwězdna kopica	16^h23.6^m -26° 32'	5,6^m	35'	Šćur /Skorpion (Sco)
M5 ( NGC 5904 )	kulojta hwězdna kopica	15^h18.6^m +02° 05'	5,6^m	20'	Had (Ser)
M6 ( NGC 6405 )	wotewrjena hwězdna kopica	17^h40.1^m -32° 13'	4,3^m	20'	Šćur /Skorpion (Sco)	Mjetelowa kopica
M7 ( NGC 6475 )	wotewrjena hwězdna kopica	17^h53.9^m -34° 49'	3,3^m	80'	Šćur /Skorpion (Sco)	Ptolemejowa kopica
M8 ( NGC 6523 )	emisijna mła	18^h03.8^m -24° 23'	6,0^m	90'x40'	Třělc /Prokownik (Sgr)	Lagunowa mła
	wotewrjena hwězdna kopica	18^h03.8^m -24° 23'	^m	7'	Třělc /Prokownik (Sgr)	Lagunowa mła
M9 ( NGC 6333 )	kulojta hwězdna kopica	17^h19.2^m -18° 31'	7,7^m	11'	Hadonoš (Oph)
M10 ( NGC 6254 )	kulojta hwězdna kopica	16^h57.1^m -04° 06'	6,7^m	19'	Hadonoš (Oph)
M11 ( NGC 6705 )	wotewrjena hwězdna kopica	18^h51.1^m -06° 16'	7,0^m	13'	Tarč /Škit (Sct)	Dźiwjokačkowa kopica
M12 ( NGC 6218 )	kulojta hwězdna kopica	16^h47.2^m -01° 57'	8,0^m	14'	Hadonoš (Oph)
M13 ( NGC 6205 )	kulojta hwězdna kopica	16^h41.4^m +36° 27'	7,0^m	21'	Klečeń /Herkules (Her)	Klečenjowa kopica /Herkulesowa kopica
M14 ( NGC 6402 )	kulojta hwězdna kopica	17^h37.6^m -03° 15'	9,5^m	11'	Hadonoš (Oph)
M15 ( NGC 7078 )	kulojta hwězdna kopica	21^h30.0^m +12° 10'	7,5^m	18'	Štyrihozdźe /Pegasus (Peg)
M16 ( NGC 6611 )	wotewrjena hwězdna kopica	18^h18.8^m -13° 47'	6,5^m	21'	Had (Ser)	Worjoła mła
M17 ( NGC 6618 )	emisijna mła	18^h20.8^m -16° 11'	7,0^m	46'x37'	Třělc /Prokownik (Sgr)	Omega mła
	wotewrjena hwězdna kopica	18^h20.8^m -16° 11'	^m	5'	Třělc /Prokownik (Sgr)	Omega mła
M18 ( NGC 6613 )	wotewrjena hwězdna kopica	18^h19.9^m -17° 08'	8,0^m	5'	Třělc /Prokownik (Sgr)
M19 ( NGC 6273 )	kulojta hwězdna kopica	17^h02.6^m -26° 16'	8,5^m	14'	Hadonoš (Oph)
M20 ( NGC 6514 )	emisijna mła	18^h02.3^m -23° 02'	5,0^m	29'х27'	Třělc /Prokownik (Sgr)	Třidźělna mła
	wotewrjena hwězdna kopica	18^h02.3^m -23° 02'	^m	20'	Třělc /Prokownik (Sgr)	Třidźělna mła
M21 ( NGC 6531 )	wotewrjena hwězdna kopica	18^h04.6^m -22° 30'	7,0^m	18'	Třělc /Prokownik (Sgr)
M22 ( NGC 6656 )	kulojta hwězdna kopica	18^h36.4^m -23° 54'	6,5^m	33'	Třělc /Prokownik (Sgr)
M23 ( NGC 6494 )	wotewrjena hwězdna kopica	17^h56.8^m -19° 01'	6,0^m	35'	Třělc /Prokownik (Sgr)
M24 ( IC 4715 )	dźěl mlóčnicy	18^h16.9^m -18° 29'	^m	90'	Třělc /Prokownik (Sgr)	Třělcowa mła /Prokownikowa mła
M25 ( IC 4725 )	wotewrjena hwězdna kopica	18^h31.6^m -19° 15'	4,9^m	30'	Třělc /Prokownik (Sgr)
M26 ( NGC 6694 )	wotewrjena hwězdna kopica	18^h45.2^m -09° 24'	9,5^m	10'	Tarč /Škit (Sct)
M27 ( NGC 6853 )	planetariska mła	19^h59.6^m +22° 43'	7,4^m	8,4'×6,1'	Liška (Vul)	Hantlowa mła /Dumbbell mła
M28 ( NGC 6626 )	kulojta hwězdna kopica	18^h24.5^m -24° 52'	8,5^m	10'	Třělc /Prokownik (Sgr)
M29 ( NGC 6913 )	wotewrjena hwězdna kopica	20^h23.9^m +38° 32'	9,0^m	8'	Kołp (Cyg)
M30 ( NGC 7099 )	kulojta hwězdna kopica	21^h40.4^m -23° 11'	8,5^m	12'	Kozoróžk (Cap)
M31 ( NGC 224 )	spiralna galaksija	00^h42.8^m +41° 16'	3,4^m	3,17°×1°	Andromeda (And)	Andromeda mła
M32 ( NGC 221 )	eliptiska galaksiija	00^h42.7^m +40° 52'	8,1^m	9'×7'	Andromeda (And)
M33 ( NGC 598 )	spiralna galaksija	01^h33.9^m +30° 39'	5,7^m	71'×42'	Třiróžk (Tri)	Třiróžkowa mła
M34 ( NGC 1039 )	wotewrjena hwězdna kopica	02^h42.0^m +42° 47'	6,0^m	35'	Perzej (Per)
M35 ( NGC 2168 )	wotewrjena hwězdna kopica	06^h09.1^m +24° 21'	5,5^m	28'	Dwójnikaj (Gem)
M36 ( NGC 1960 )	wotewrjena hwězdna kopica	05^h36.2^m +34° 08'	6,5^m	12'	Wóznik (Aur)
M37 ( NGC 2099 )	wotewrjena hwězdna kopica	05^h52.4^m +32° 33'	6,0^m	25'	Wóznik (Aur)
M38 ( NGC 1912 )	wotewrjena hwězdna kopica	05^h28.7^m +35° 51'	7,0^m	15'	Wóznik (Aur)
M39 ( NGC 7092 )	wotewrjena hwězdna kopica	21^h31.8^m +48° 26'	5,5^m	30'	Kołp (Cyg)
M40 ( WNC 4 )	optiska dwójna hwězda	12^h22.2^m +58° 05'	9^m	0,8'	Wulki bar /Wulki mjedwjedź (UMa)	Winnecke 4
M41 ( NGC 2287 )	wotewrjena hwězdna kopica	06^h46.0^m +20° 45'	5,0^m	40'	Wulki pos (CMa)
M42 ( NGC 1976 )	emisijna mła	05^h35.4^m -05° 23'	5,0^m	65'×60'	Kosy /Orion (Ori)	Kosowa mła /Orionowa mła
	wotewrjena hwězdna kopica	05^h35.4^m -05° 23'	^m	3'	Kosy /Orion (Ori)	Kosowa mła /Orionowa mła
M43 ( NGC 1982 )	emisijna mła	05^h35.5^m -05° 16'	7,0^m	20'x15'	Kosy /Orion (Ori)	De Mairanowa mła, dźěl Kosowej mły /Orionowej mły
M44 ( NGC 2632 )	wotewrjena hwězdna kopica	08^h40.4^m +19° 41'	4,0^m	1,2°	Rak (Cnc)	Žłob/Praesepe
M45 ( Mel 22 )	wotewrjena hwězdna kopica	03^h47.0^m +24° 07'	1.6^m	2°	Byk (Tau)	Baby /Sedmhwězdnješko /Kurjatka
	refleksijna mła	03^h46.0^m +23° 46'	^m	30' × 30'	Byk (Tau)	Baby /Sedmhwězdnješko /Kurjatka
M46 ( NGC 2437 )	wotewrjena hwězdna kopica	07^h41.8^m -14° 49'	6,5^m	20'	Zadnja łódźna łubja (Pup)
M47 ( NGC 2422 )	wotewrjena hwězdna kopica	07^h36.6^m -14° 30'	4,5^m	30'	Zadnja łódźna łubja (Pup)
M48 ( NGC 2548 )	wotewrjena hwězdna kopica	08^h13.7^m -05° 45'	5,5^m	30'	Njedomor /Hydra (Hya)
M49 ( NGC 4472 )	eliptiska galaksiija	12^h29.8^m +08° 00'	8,4^m	10'×8'	Knježna (Vir)
M50 ( NGC 2323 )	wotewrjena hwězdna kopica	07^h02.8^m +08° 23'	7,0^m	15'	Jednorohač (Mon)
M51 ( NGC 5194,NGC 5195 )	spiralna galaksija	13^h29.9^m +47° 12'	8,4^m	15'×7'	Honjerske psy (CVn)	Kužoła galaksija
M52 ( NGC 7654 )	wotewrjena hwězdna kopica	23^h24.2^m +61° 35'	8,0^m	16'	Kasiopeja (Cas)
M53 ( NGC 5024 )	kulojta hwězdna kopica	13^h12.9^m +18° 10'	8,5^m	13'	Włosy Bereniki (Com)
M54 ( NGC 6715 )	kulojta hwězdna kopica	18^h55.1^m -30° 29'	8,5^m	12'	Třělc /Prokownik (Sgr)
M55 ( NGC 6809 )	kulojta hwězdna kopica	19^h40.0^m -30° 58'	7,0^m	19'	Třělc /Prokownik (Sgr)
M56 ( NGC 6779 )	kulojta hwězdna kopica	19^h16.6^m +30° 11'	9,5^m	7'	Lyra (Lyr)
M57 ( NGC 6720 )	planetariska mła	18^h53.6^m +33° 02'	8,8^m	86"×62"	Lyra (Lyr)	Pjeršćenjowa mła
M58 ( NGC 4579 )	spiralna galaksija	12^h37.7^m +11° 49'	9,6^m	6'×5'	Knježna (Vir)
M59 ( NGC 4621 )	eliptiska galaksiija	12^h42.0^m +11° 39'	9,6^m	5'×4'	Knježna (Vir)
M60 ( NGC 4649 )	eliptiska galaksiija	12^h43.7^m +11° 33'	8,8^m	7'×6'	Knježna (Vir)
M61 ( NGC 4303 )	spiralna galaksija	12^h21.9^m +04° 28'	9,6^m	7'×6'	Knježna (Vir)
M62 ( NGC 6266 )	kulojta hwězdna kopica	17^h01.2^m -30° 07'	8,0^m	11'	Hadonoš (Oph)
M63 ( NGC 5055 )	spiralna galaksija	13^h15.8^m +42° 02'	8,6^m	13'×7'	Honjerske psy (CVn)	Słónčnicowa galaksije
M64 ( NGC 4826 )	spiralna galaksija	12^h56.7^m +21° 41'	8,5^m	11'×5'	Włosy Bereniki (Com)	Čorne woko /Blackeye -galaksija
M65 ( NGC 3623 )	spiralna galaksija	11^h18.9^m +13° 05'	9,3^m	10'×3'	Law (Leo)
M66 ( NGC 3627 )	spiralna galaksija	11^h20.2^m +12° 59'	9,0^m	9'×4'	Law (Leo)
M67 ( NGC 2682 )	wotewrjena hwězdna kopica	08^h51.4^m +11° 49'	7,5^m	25'	Rak (Cnc)
M68 ( NGC 4590 )	kulojta hwězdna kopica	12^h39.5^m -26° 45'	9,0^m	11'	Njedomor /Hydra (Hya)
M69 ( NGC 6637 )	kulojta hwězdna kopica	18^h31.4^m -32° 21'	9,0^m	10'	Třělc /Prokownik (Sgr)
M70 ( NGC 6681 )	kulojta hwězdna kopica	18^h43.2^m -32° 17'	9,0^m	8'	Třělc /Prokownik (Sgr)
M71 ( NGC 6838 )	kulojta hwězdna kopica	19^h53.8^m +18° 47'	8,5^m	7'	Šip /Kłok (Sge)
M72 ( NGC 6981 )	kulojta hwězdna kopica	20^h53.5^m -12° 32'	10,0^m	6'	Wódnik (Aqr)
M73 ( NGC 6994 )	optiska kopica štyrjoch hwězdow	20^h58.9^m -12° 38'	^m	2,8'	Wódnik (Aqr)
M74 ( NGC 628 )	spiralna galaksija	01^h36.7^m +15° 47'	8,5^m	11'×10'	Ryby (Psc)
M75 ( NGC 6864 )	kulojta hwězdna kopica	20^h06.1^m -21° 55'	9,5^m	7'	Třělc /Prokownik (Sgr)
M76 ( NGC 650,NGC 651 )	planetariska mła	01^h42.3^m +51° 34'	10,1^m	67"	Perzej (Per)	Małka hantlowa mła
M77 ( NGC 1068 )	spiralna galaksija	02^h42.7^m +00° 01'	8,9^m	7'×6'	Wjelryba (Cet)
M78 ( NGC 2068 )	refleksijna mła	05^h46.7^m +00° 03'	8,0^m	8'x6'	Kosy /Orion (Ori)
M79 ( NGC 1904 )	kulojta hwězdna kopica	05^h24.2^m -24° 31'	8,5^m	6'	Zajac (Lep)
M80 ( NGC 6093 )	kulojta hwězdna kopica	16^h17.0^m -22° 59'	7,3^m	9'	Šćur /Skorpion (Sco)
M81 ( NGC 3031 )	spiralna galaksija	09^h55.5^m +69° 04'	6,8^m	27'×14'	Wulki bar /Wulki mjedwjedź (UMa)	Bodejowa galaksija
M82 ( NGC 3034 )	spiralna galaksija	09^h55.9^m +69° 41'	8,4^m	11'×4'	Wulki bar /Wulki mjedwjedź (UMa)	Cigarowa galaksija
M83 ( NGC 5236 )	spiralna galaksija	13^h37.0^m -29° 52'	7,5^m	13'×12'	Njedomor /Hydra (Hya)	Južna wětrnikowa galaksija
M84 ( NGC 4374 )	eliptiska galaksiija	12^h25.1^m +12° 53'	9,1^m	7'×6'	Knježna (Vir)
M85 ( NGC 4382 )	sokowa abo eliptiska galaksija	12^h25.4^m +18° 11'	9,1^m	7'×6'	Włosy Bereniki (Com)
M86 ( NGC 4406 )	sokowa abo eliptiska galaksija	12^h26.2^m +12° 57'	8,9^m	9'×6'	Knježna (Vir)
M87 ( NGC 4486 )	eliptiska galaksiija	12^h30.8^m +12° 23'	8,6^m	8'×7'	Knježna (Vir)	Virgo A
M88 ( NGC 4501 )	spiralna galaksija	12^h32.0^m +14° 25'	9,6^m	7'×4'	Włosy Bereniki (Com)
M89 ( NGC 4552 )	eliptiska galaksiija	12^h35.7^m +12° 33'	9,7^m	5'×5'	Knježna (Vir)
M90 ( NGC 4569 )	spiralna galaksija	12^h36.8^m +13° 10'	9,5^m	10'×4'	Knježna (Vir)
M91 ( NGC 4548 )	spiralna galaksija	12^h35.4^m +14° 30'	10,1^m	5'×4'	Włosy Bereniki (Com)
M92 ( NGC 6341 )	kulojta hwězdna kopica	17^h17.1^m +43° 08'	7,5^m	14'	Klečeń /Herkules (Her)
M93 ( NGC 2447 )	wotewrjena hwězdna kopica	07^h44.6^m -23° 52'	6,5^m	24'	Zadnja łódźna łubja (Pup)
M94 ( NGC 4736 )	spiralna galaksija	12^h50.9^m +41° 07'	8,2^m	11'×9'	Honjerske psy (CVn)
M95 ( NGC 3351 )	spiralna galaksija	10^h44.0^m +11° 42'	9,7^m	7'×5'	Law (Leo)
M96 ( NGC 3368 )	spiralna galaksija	10^h46.8^m +11° 49'	9,2^m	8'×5'	Law (Leo)
M97 ( NGC 3587 )	planetariska mła	11^h14.8^m +55° 01'	9,9^m	170"	Wulki bar /Wulki mjedwjedź (UMa)	Sowowa mła
M98 ( NGC 4192 )	spiralna galaksija	12^h13.8^m +14° 54'	10,1^m	10'×3'	Włosy Bereniki (Com)
M99 ( NGC 4254 )	spiralna galaksija	12^h18.8^m +14° 25'	9,9^m	5'×5'	Włosy Bereniki (Com)
M100 ( NGC 4321 )	spiralna galaksija	12^h22.9^m +15° 49'	9,3^m	7'×6'	Włosy Bereniki (Com)
M101 ( NGC 5457 )	spiralna galaksija	14^h03.2^m +54° 21'	7,7^m	29'×27'	Wulki bar /Wulki mjedwjedź (UMa)	Wětrnikowa galaksija
M102 ( )	[zmylk w katalogu]	15^h06.5^m +55° 46'	^m		Zmij (Dra)	M102 je zmylk w katalogu (М101 abo NGC 5866)
M103 ( NGC 581 )	wotewrjena hwězdna kopica	01^h33.2^m +60° 42'	7,0^m	6'	Kasiopeja (Cas)
M104 ( NGC 4594 )	spiralna galaksija	12^h40.0^m -11° 37'	8,0^m	9'×4'	Knježna (Vir)	Sombrero -galaksija
M105 ( NGC 3379 )	eliptiska galaksiija	10^h47.8^m +12° 35'	9,3^m	5'×5'	Law (Leo)
M106 ( NGC 4258 )	spiralna galaksija	12^h19.0^m +47° 18'	8,3^m	19'×7'	Honjerske psy (CVn)
M107 ( NGC 6171 )	kulojta hwězdna kopica	16^h32.5^m -13° 03'	10,0^m	13'	Hadonoš (Oph)
M108 ( NGC 3556 )	spiralna galaksija	11^h11.5^m +55° 40'	10,0^m	9'×2'	Wulki bar /Wulki mjedwjedź (UMa)
M109 ( NGC 3992 )	spiralna galaksija	11^h57.6^m +53° 23'	9,8^m	8'×5'	Wulki bar /Wulki mjedwjedź (UMa)
M110 ( NGC 205 )	eliptiska galaksiija	00^h40.4^m +41° 41'	8,0^m	22'×11'	Andromeda (And)

Messier-marathon

Messier-marathon - "wubědźowanje" za amaterowych hwězdarjow. Ně, njetrjebaće nihdźe z teleskopom pod pažu napřemo nóžkować :) . Dwójce wob lěto, při młodym měsačku w měrcu a oktobru, su wobstejnosće tajke, zo móžeće wšitke objekty Messier-kataloga w jednej nocy na njebju namakać! To je cil Messier-marathona. So wě, njeńdźe drje w prěnim rjedźe wo wobkedźbowanje ćelesow na njebju, ale skěrje wo spěšne a wušikne wjedźenje teleskopa. Je pak tola dobra składnosć krasnosć hwězdnišća bliže zeznać. Bohužel njeje we Łužicy móžno dospołny Messier-maraton přewjesć, dokelž su jenož mjez 10 ° a 35 ° šěrinoweho stopjenja wšitke objekty kataloga widźeć.

Ale njedajće so znjemužić. Messier-maraton hodźi so tež pola nas přewjesć, ale drje we wobmjezowanej formje. Najwažniše je, zo znajeće čas w kotrymž so maraton docyła přewjesć hodźi. Wězo njebudźe móžno najjužniše objekty widźeć, dokelž su za wobzorom. Ale su hišće tójšto druhich krasnych objektow na widźomnym hwězdnišću, zo změjeće zwjeselace wubědźowanje.

Tuta wersija Messier-kataloga wužije wobrazy wot www.nasa.gov (NASA) a dalšich žórłow. Wobrazy Hubble-teleskopa a druhich awtorow su so swobodnje k rozšěrjenju postajili a su z tym do zjawneho wužiwanja přešli. To wopřija tež wužite wobrazy wikipedije, jeli njeje hinak deklarowane.

Podźakuju so za přełožk pola Alexandera Pólka z Budyšina.