... М79 < М80 > М81 ...

Kulojta hwězdna kopica M80

Kulojta hwězdna kopica M80 namaka so we hwězdnje Šćur/Skorpion (Sco).

Runikowe/ekwatorialne koordinaty (epocha J2000):
Ra (α):16^h17.0^m, Dec (δ):-22° 59'

Pozdatna swětłosć: 7,3^m
Wotstawk mjez hwězdnej kopicy M80 a słóncom: 48260 swětłolěta
Kutowy rozměr: 9'
Morphologiska klasifikacija galaksije: II
Wonkowny wobměr hwězdnej kopicy M80 wopřija něhdźe 125 swětłolěta.
Trochowana masa hwězdnej kopicy: 400x10³ słónca

Wotkryjer: Charles Messier, 1781

Pomjenowanja za M80 w druhich katalogach: NGC 6093

M80 je za wobkedźbowarja w srjedźnych šěrinach poměrnje nisko nad horicontom, tak zo su wobkedźbowanja atmosferiskich skrjeslenjow dla wobćežowane.
Objekt njeje za wobkedźbowarja w sewjernych šěrinach widźomny. Najlěpši wotewrjenski poměr dalokowida za wobkedźbowanje M80, we wotwisnosći apertury (D), je něhdźe D/3-0.8D. Dalše powjetšenje wobraza zmóžni drje spóznaće wjac detailow, wobraz pak so sylnišo zaćěmni, štož wobkedźbowanje poćežuje.

Najlěpši měsac za wobkedźbowanje M80 je smažnik. W tutym času je objekt k połnocy blisko swojim najwyšim dypku na njebju, to rěka zo su mylenja wobkedźbowanja přez zemske swětłowe žórła a atmosferiske skrjeslenja najsłabše.

Za wobkedźbowarjow w sewjernych šěrinach je nócne njebjo w smažniku hižo poměrnje swětłe, tohodla je zmysłapołne M80 tež w róžowniku abo pražniku wobkedźbować.
Měsacaj drje njejstaj runjewon ćěmnej a nimo toho objekt k połnocy tež njeje na swojim najwyšim dypku, hdźež zemske swětłowe žórła a atmosferiske skrjeslenja wobraz tak jara njemyla, ale wobkedźbowanje je tola hišće pospyta hódne. Čim dale w juhu městno wobkedźbowanja je, čim ćěmniše je nócne njebjo w lěću.

Мessier 79

Мessier 81

Wutrobny dźak Alexanderej Pólkej z Budyšina za přełožk do hornjoserbšćiny.

Je tuta strona zajimała?