... М85 < М86 > М87 ...

Sokowa abo eliptiska galaksija M86

Sokowa abo eliptiska galaksija M86 namaka so we hwězdnje Knježna (Vir).

Runikowe/ekwatorialne koordinaty (epocha J2000):
Ra (α):12^h26.2^m, Dec (δ):+12° 57'

Pozdatna swětłosć: 8,9^m
Wotstawk mjez galaksije M86 a słóncom: 56,7*10⁶ swětłolěta
Kutowy rozměr: 9'×6'
Morphologiska klasifikacija galaksije: Е3 or S0
Wonkowny wobměr galaksije M86 wopřija něhdźe 147000 swětłolěta.

Wotkryjer: Charles Messier, dnja 18.03.1781

Pomjenowanja za M86 w druhich katalogach: NGC 4406

Najlěpši wotewrjenski poměr dalokowida za wobkedźbowanje M86, we wotwisnosći apertury (D), je něhdźe D/6-D/3. Dalše powjetšenje wobraza zmóžni drje spóznaće wjac detailow, wobraz pak so sylnišo zaćěmni, štož wobkedźbowanje poćežuje.

Najlěpši měsac za wobkedźbowanje M86 je róžownik. W tutym času je objekt k połnocy blisko swojim najwyšim dypku na njebju, to rěka zo su mylenja wobkedźbowanja přez zemske swětłowe žórła a atmosferiske skrjeslenja najsłabše.

Za wobkedźbowarjow w sewjernych šěrinach je nócne njebjo w róžowniku hižo poměrnje swětłe, tohodla je zmysłapołne M86 tež w jutrowniku wobkedźbować.
Objekt drje w jutrowniku njeje k połnocy na swojim najwyšim dypku, hdźež zemske swětłowe žórła a atmosferiske skrjeslenja wobraz tak jara njemyla, ale ćěmnota nocow w jutrowniku wjedu k sylnišemu kontrastej, přečož su wobkedźbowanja jednoriše. Čim dale w juhu městno wobkedźbowanja je, čim ćěmniše je nócne njebjo w lěću.

Мessier 85

Мessier 87

Wutrobny dźak Alexanderej Pólkej z Budyšina za přełožk do hornjoserbšćiny.

Je tuta strona zajimała?