... М82 < М83 > М84 ...

Spiralna galaksija M83

Spiralna galaksija M83, tež znata jako Južna wětrnikowa galaksija namaka so we hwězdnje Njedomor/Hydra (Hya).

Runikowe/ekwatorialne koordinaty (epocha J2000):
Ra (α):13^h37.0^m, Dec (δ):-29° 52'

Pozdatna swětłosć: 7,5^m
Wotstawk mjez galaksije M83 a słóncom: 14,7*10⁶ swětłolěta
Kutowy rozměr: 13'×12'
Morphologiska klasifikacija galaksije: SABc (SBc)
Wonkowny wobměr galaksije M83 wopřija něhdźe 55000 swětłolěta.

Wotkryjer: Nicolas-Louis De la Caille, 1752

Pomjenowanja za M83 w druhich katalogach: NGC 5236

M83 njeje za wobkedźbowarjow w sewjernych a srjedźnych šěrinow widźomny, dokelž leži předalako w južnej hemisfery njebja. W južnych šěrinach leži poměrnje nisko nad horicontom, tak zo su wobkedźbowanja atmosferiskich skrjeslenjow dla wobćežowane. Najlěpši wotewrjenski poměr dalokowida za wobkedźbowanje M83, we wotwisnosći apertury (D), je něhdźe D/6-D/3. Dalše powjetšenje wobraza zmóžni drje spóznaće wjac detailow, wobraz pak so sylnišo zaćěmni, štož wobkedźbowanje poćežuje.

Najlěpši měsac za wobkedźbowanje M83 je róžownik. W tutym času je objekt k połnocy blisko swojim najwyšim dypku na njebju, to rěka zo su mylenja wobkedźbowanja přez zemske swětłowe žórła a atmosferiske skrjeslenja najsłabše.

Za wobkedźbowarjow w sewjernych šěrinach je nócne njebjo w róžowniku hižo poměrnje swětłe, tohodla je zmysłapołne M83 tež w jutrowniku wobkedźbować.
Objekt drje w jutrowniku njeje k połnocy na swojim najwyšim dypku, hdźež zemske swětłowe žórła a atmosferiske skrjeslenja wobraz tak jara njemyla, ale ćěmnota nocow w jutrowniku wjedu k sylnišemu kontrastej, přečož su wobkedźbowanja jednoriše. Čim dale w juhu městno wobkedźbowanja je, čim ćěmniše je nócne njebjo w lěću.

Мessier 82

Мessier 84

Wutrobny dźak Alexanderej Pólkej z Budyšina za přełožk do hornjoserbšćiny.

Je tuta strona zajimała?